&lsquo;Apaka-OA ng pagbaha at pag-ulan sa iba&rsquo;t ibang parte ng Pilipinas nitong nakaraang mga araw kaya nama&rsquo;y maraming klase at trabaho ang nasuspinde.
August 30 pa lamang ay pumasok na si Enteng sa Philippine Area of Responsibility (PAR) bilang Low Pressure Area (LPA.) Pagsapit ng September 1, ito ay naging Tropical Depression at tuluyan na ngang naging Tropical Storm.
Iba&rsquo;t ibang lugar sa parte ng Luzon ang nasalanta dahil sa malakas na ulang dala ng Bagyong Enteng. Nang maitaas na ang Wind Signals, nagsimula na ring magsuspinde ang mga paaralan. Bagama&rsquo;t maaga dapat ang pag-announce ng class suspension, late na raw nag-announce sa lugar ng Kabisyo nating si Adrian Tolentino.
Si Adrian Tolentino ay isa sa 50 na estudyanteng sumakay sa bangka pabalik sa kani-kanilang tahanan dahil sa bagyo. Ayon sa kanya, late na raw na-suspend ang kanilang klase sa Hagonoy, Bulacan kung kaya&rsquo;t nagmadali na lang din silang umuwi. Halos 50 raw ang nakasakay sa bangka para lang makauwi. &nbsp;
Ayon din sa nanay ng isa sa mga estudyanteng nakasakay ro&rsquo;n sa bangka, wala raw kasi silang nakitang announcement sa page ng kanilang munisipyo at paaralan kaya bumiyahe na sila.
Sobrang importantacious talaga ang maagang announcements na &lsquo;yan para hindi naman maperwisyo ang mga estudyante, titser, at mga magulang! Forda delikado naman kasi lalo na&rsquo;t may kasama pang malalakas na alon at hangin ang bagyo!
Mag-iingat parati, mga Kabisyo, at nawa&rsquo;y parati tayong ligtas sa anumang kalamidad!