Sa dinami-raming makikita sa baha, ahas pa!
Nang bagyuhin ang isang barangay sa Caramoan, Camarines Sur, binaha rin ang karamihan ng kanilang residente. Nang matutulog na raw dapat sina Roselyn at ang kanyang pamilya, nakakita sila ng mataba at mahabang bagay na lumalangoy sa baha. Kalaunan, ahas nga itong lumalangoy.
Sabi ng netizens nang makita nila ang uploaded video, sa tingin daw nila ay sea krait ito. Mas makamandag pa raw ito umano sa cobra at rattlesnake. Lalo naman itong naghatid ng katatakutan sa mga residente kahit hindi na nila nasilayan ang ahas ulit.
Semi-aquatic at mas venomous pa ng sampung beses ang sea krait kaysa sa rattlesnake. Hinala naman ng isang herpetologist ay isa itong true sea snake. Posibleng lumobo raw siya dahil matagal itong nasa tubig at may posibilidad din itong hindi magtagal ang buhay dahil sitwasyong natamo.
Grabe naman 'yung ahas! Lumalangoy na nga sa baha, inaagaw pa 'yung jowa mo. Charot with harot! HAHAHA! Ingat tayo sa mga nang-aahas, este, sa baha, mga Kabisyo! Ngayong maulan at maraming bagyo ang dumarating, mahalagang ligtas tayo sa anumang sakuna.