Saan pa ba tayo kukuha ng lakas kun'di sa mga mahal natin sa buhay?
Hindi lang nakapasa si John Henry Tenorio sa kanyang Licensure Exam for Agriculture and Biosystems Engineers kun'di ikaapat na pwesto pa ang kanyang nakamit sa ranking.
Nilihim niya ang kanyang board exam sa kanyang pamilya kaya nama'y napagdesisyunan niya na bisitahin ang puntod ng kanyang ama. Ayon kay John, may tradisyon daw tuwing board exam na magpapatasa ka sa topnotcher kung gusto mong makapasa. Nais niya raw magpatasa sa mga magulang niya. Sa kadahilanang nilihim niya nga sa kanyang ina ang exam, nagtasa siya sa puntod ng ama.
Ang mga magulang niya raw kasi ang mga pinakamatatalinong taong kilala niya. Hiniling niya raw sa kanyang ama na gabayan siya sa kanyang exam at nangako rin siya na siya ang magiging pinakaunang engineer sa kanyang pamilya. Ilang linggo ang makalipas, natapos niya nga ang board exam with flying colors!
Nakaka-touch naman so much ang istorya ni John! Isang patunay na may patutunguhan ang iyong mga pagsisikap at patuloy tayong ginagabayan ng ating mga minamahal hanggang sa kabilang buhay.
Congrachumaleyshons, John! Pagpupugay din sa lahat ng nakalagpas sa mga paghihirap sa buhay! Sa mga hindi pa nakakamit ang mga ninanais, tuloy lang ang laban!