Ikinalulungkot naming ibalita sa inyo, mga Kabisyo, na ang guard dog na si Buster ng MBC Media Group ay pumanaw na nitong November 21, 2024 lamang.&nbsp;
<iframe style="border: none; overflow: hidden;" src="https://www.facebook.com/plugins/post.php?href=https%3A%2F%2Fwww.facebook.com%2Floveradiomanila%2Fposts%2F1000731588766295&amp;show_text=true&amp;width=500" width="500" height="712" frameborder="0" scrolling="no" allowfullscreen="allowfullscreen"></iframe>
Kung nagtataka ang iba sa inyo kung sino nga ba si Buster at bakit siya malapit sa amin, siya lang naman ang isang aso na napaka-loyal! Mas loyal pa kay Angkol Dagol! HAHAHA!
Si Buster ay isang asong Pinoy na kinupkop ng mga empleyado ng MBC Media Group. Ayon sa mga guard ng MBC, mahigit dalawang taon daw nanirahan si Buster sa tapat ng kumpanya. Nakita raw ito ng VP for Human Resources na si Ms. Ellen Fullido kung saan naawa naman ito kay Buster kaya nagdesisyon siyang alagaan si Buster at bilhan ito ng mga gamot.
Base sa mga kuwento ng mga nakilala si Buster, siya ay napakaamong aso at sinasamahan sila tuwing nag-iisa sa labas para magpahangin o tumambay. Siya ang sumasalubong sa mga empleyado na papasok sa kumpanya. Takot daw si Buster sa tubig kaya naman hindi niya nagagawang maligo at medyo mapili sa pagkain, pero lalapitan ka niya para magpasalamat sa pagkaing binigay mo. Gustong-gusto niyang pine-pet siya sa baba at ulo. Lahat ng empleyado ay kilala na siya dahil sa tapat siya ng mismong gusali nananatili.
Ikinalungkot at ikinagulat ng lahat ang pagkawala niya dahil napakagaan ng loob kasama si Buster tuwing nakakasalamuha mo siya. Ayon sa nakakakita ng insidente, may hinahabol daw na aso si Buster sa kahabaan ng Vicente Sotto Street dahil nga medyo may pagka-territorial daw ito. May nagkakarera daw na van at eksaktong nasagasaan daw nito si Buster. Tinakbuhan din nitong van si Buster.
Ngayong nasa rainbow bridge ka na Buster, nawa'y makain mo na lahat ng gusto mo riyan at makaligo ka na nang matiwasay! Salamat sa pagpapasaya sa mga empleyado ng kumpanya at sa pagsama mo sa'min tuwing kami ay nag-iisa. Hindi ka namin malilimutan!
Sa lahat din ng tsuper sa daan, nawa'y mag-ingat po tayong mabuti at sundin ang mga patakaran sa daan para iwas perwisyo at aksidente.