Nakauwi na ang mga pambato nating mga atleta mula sa Paris Olympics 2024!&nbsp;
Dahil espesyal tayo rito sa Love Radio Manila, charot with harot! Nabigyan tayo ng pagkakataong makita nang malapitan at masaksihan ang homecoming parade ng mga atleta natin na lumaban sa Olympics!
Nagsama-sama ang mamamayang PIlipino sa CCP Complex mula sa iba't ibang panig ng bansa para sumuporta sa ating mga atleta. Nanggulo este nagmasid si Conyo Bicolano sa kaganapan kanina sa kahabaan ng Vicente Sotto Street. Sinamahan din siya ng iba pang Love Radio DJs tulad nina Robin Sienna, Diego Bandido at nakaabang din ang nag-iisang Kadyot!
Napag-usapan ng ating Love Radio DJs kung bakit kinakagat ng mga atleta ang gold na medalya tuwing nananalo sila nito. Sabi naman ni Robin Sienna, kinakagat daw ito para makita kung totoong ginto nga ba ang medalya. 'Pag bumaon daw, eh, totoo nga! Kaya naman daw pala kinikilig si Conyo Bicolano kapag sinasabihan ng "Gold ka ba?" Ibig sabihin daw ay gusto siyang kagatin. HAHAHA!&nbsp;
Nabanggit din ni Diego Bandido na hindi siya masyadong nasiyahan sa float at sana raw mas bongga pa ang pagkakagawa sa susunod! Deserve naman din ng mga atleta natin ng best of the best, diba? BASIC!&nbsp;
Habang naghihintay makalarga ang parada, patuloy ang pag-awit at pagtugtog ng mga tao ng kantang 'Mabuhay March.' Naibahagi ni Robin Sienna na ito ang pinapatugtog 'pag nag-we-welcome ng mga bayani o mga taong mahalaga ang naiambag para sa bansa natin.&nbsp;
Nakakatuwang makita na nagkakaisa ang mga Pilipino para salubungin ang naggagalingan nating mga atleta! Mabuhay kayo at nawa'y maipagpatuloy natin ang pagyabong at pagsuporta sa iba't ibang talento ng Pinoy sa anumang paligsahan!&nbsp;
&nbsp;
&nbsp;