Mababa na ba ang halagang 40,000 pesos monthly na suweldo sa panahon ngayon?
Isang Facebook post ang nag-viral kung saan makikita ang isang fresh graduate na naglalabas ng kanyang sama ng loob tungkol sa suweldo na inaalok sa kanya sa kauna-unahan niyang job offer. Masyadong mababa raw ito kung susumahin ang lahat ng pagod at puyat niya sa pag-aaral para lang makarating sa estado niya ngayon. Tinanong din naman niya kung worth it daw ba kung kukunin niya ang trabahong iyon.
Umani naman itong post na ng samu't saring komento mula sa netizens. Karamihan ng mga nag-sha-share at nag-iiwan ng comment ay nagugulat sa kung gaano raw ka-entitled ang henerasyon ngayon sa trabaho at suweldo. Ikinukumpara nila ang karanasan nila noon na 8,000 pesos o 12,000 lang ang starting. Huwag daw masyadong humiling ng malaki ang isang kaka-graduate lang at walang experience.
May iilan din naman ang nagsasabing huwag naman daw husgahan agad ang nag-post dahil iba na raw ang panahon ngayon dahil sa taas ng bilihin at depende pa rin daw 'yan sa larangan ng trabahong pinapasok niya.&nbsp;
Mainit-init ang naging talakayan patungkol sa topic na ito! Basta ako, kiss lang niya, masaya na ako. EME! Anong opinyon rito, mga Kabisyo? Masyado nga bang mataas ang expectations ni anonymous sender? O dapat lang siyang mag-demand ng mas mataas na suweldo?