&ldquo;Mahal ako ni Mama,&rdquo; ito na lamang ang napagtanto ng isang batang babae matapos ang isang simple, pero nakakataba ng pusong pangyayari. Kuwento ni Darlene Labanon, inaya siyang kumain ng Mama niya sa isang fast food restaurant matapos magpa-check up.
Nag-alangan pa siya dahil alam niyang nagamit na nila ang pera sa pagpapagamot, pero giit ng Mama niya na may sapat pa itong pera pangkain. Nagulat siya na pagkatapos niyang maghugas ng kamay ay siya lamang ang may nakahaing pagkain habang ang Mama niya ay umiinom lamang ng tubig. Hindi niya napigilang mapaluha nang sabihin nitong masaya na siyang makita ang anak niyang kumakain. <iframe style="border: none; overflow: hidden;" src="https://www.facebook.com/plugins/post.php?href=https%3A%2F%2Fwww.facebook.com%2Fdarlene.labanon15%2Fposts%2Fpfbid0zSCUUWYPJS9XZe45Zich7j4rYLawmrJGoeMmMZb6nEPqnXBVY4hDsy4sM5htAkUl&amp;show_text=true&amp;width=500" width="500" height="787" frameborder="0" scrolling="no" allowfullscreen="allowfullscreen"></iframe>
Tinapos ni Darlene ang Facebook post sa paalalang mahalin ang mga ina habang kasama pa natin sila. Samantala, marami ang nagpahayag ng pagmamahal, kasiyahan, at kabutihan.
Sa katunayan, marami raw ang nais na magpaabot ng tulong sa pamilya nila, pero paglilinaw ni Daniel Labanon, kapatid ng may-ari ng post, ikinuwento lamang daw nila ito para pahalagahan ang sakripisyo ng Mama nila at hindi para humingi ng tulong. Gayunpaman, nagpapasalamat sila sa mabuting hangarin sa kanila ng netizens.&nbsp;