Pinoy Pride na naman ang ibinigay sa atin ng Lola Amour matapos ang naging collaboration nila sa Australian Singer na si Oliver Cronin!
Hindi lang sa 'Pinas dahil pati sa Australia ay ipinapamalas na ng banda ang kanilang galing at talento dahil sa bago nilang kanta kasama si Oliver Cronin na pinamagatang 'Maria.'
<img src="https://api.loveradio.com.ph/v1/media/display?bucket=static.loveradio.com.ph&amp;key=attachments/2025/2/fJaemmombNVx5s5-JTVr4.jpeg" alt="" width="700" height="394" />
Ang 'Maria,' na isinulat sa isang music camp sa Malaysia, ay tungkol kina Oliver at Pio, ang lead singer ng Lola Amour, na parehong umiibig kay Maria pero hindi alam na niloloko sila nito. Ayon kay Oliver, nagdala raw ng bagong flavor ang Lola Amour dahil sa perpektong timpla na ibinigay nila sa isa't isa para sa kantang ito.
But wait, there's more dahil simula pa lang daw ito ng ilan sa mga international projects ng Lola Amour sa 2025. Marami rin daw kasing natutunan ang grupo matapos ang pagtugtog nila kasama ng isa pang sikat na bandang Coldplay kaya naman patuloy silang tumutugtog sa mga international festival at songwriting camps.
Maliban sa Maria ay may iba pa tayong dapat abangan dahil isa lamang ito sa siyam na kanta sa espesyal na edisyon ng EP ni Oliver Cronin na 'Edge of Paradise.' Ang dami talagang kaabang-abang na mangyayari kina Oliver Cronin at sa Lola Amour this year!
Para sa iba pang chika at nakakalurkei na balita, ugaliin lang ang pagtambay dito sa Love Radio Manila!