Hi, DJ Raqi! Sana mabasa mo itong kuwento ko. Itago mo ako sa pangalang &ldquo;Giselle,&rdquo; at ito ang aking Secret File. Kasalukuyan akong naninirahan sa Amerika and just to provide a little background tungkol sa sarili ako, lumaki ako sa Cebu City. Sa mga hindi nakakaalam, ang Cebu ay parang Las Vegas ng Pilipinas. Party rito, party roon, at aminado ako, DJ Raqi, na isa akong spoiled brat noon. Lumaki kasi ako sa isang family na medyo may kaya ang parents ko.
Nakapag-aral ako sa isang international school doon sa Cebu, specifically, sa isang mamahaling catholic school na exclusive para sa mga babae. Noong nakatungtong ako ng high school, medyo nawala ako sa landas kasi nakipagbarkada ako at natutong magparty nang todo-todo. At alam mo, minsan nga, hindi na ako nauwi sa amin. Ganoon ako ka-sobrang pasaway dati.
When I was 18 years old, nakilala ko ang isang Amerikanong sundalo through chat sa internet na itago natin sa pangalang &ldquo;John&rdquo;. Gwapong-gwapo siya, may taas na 6&rsquo;2&rdquo;, at may taglay na blue eyes. Ang get-up niya, nakasuot siya ng military uniform! Mga around 40 to 41 years old siya noong una kaming magkausap sa chat. Noong nakilala ko si John, masasabi kong nag-iba ako. Kasi magmula noon, ayoko nang magbarkada. Si John na lang ang kausap ko, at kuntento na&rsquo;ko pag magkausap kami, masaya na &rsquo;ko.
At ayun na nga, we got to know each other better through chat. Pagkagising ko sa umaga, magkachat na kaagad kami. Tuloy-tuloy na kaming magka-chat ni John hanggang sa oras ng pagtulog ko. May mga panahon lang kaming hindi nagkaka-chat, kapag busy siya sa work niya. Noong time na yon, sa Iraq din kasi siya naka-base. Pero kahit gano&rsquo;n pa man, patuloy lang na lumalim ang relationship namin.
Sundan ang Secret File ni Giselle dito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.