Kasama ng MBC Operation Tulong, ipinaabot ng power provider na Aboitiz Power ang 300 water filtration bucket para makapag-abot ng tulong sa mga komunidad na nakakaranas ng kakulangan ng malinis na tubig dala ng pamiminsala ng Bagyong Kristine nitong nakaraan.
Ayon sa Vice President for Corporate Affairs ng Aboitiz Power na si Suiee Suarez, nabanggit daw kasi sa kanila na ang MBC Operation Tulong ay nagpunta sa Naga, kung saan kapansin-pansin ang malaking pangangailangan sa tubig kaya naman agad-agad, eh, umaksyon na sila para matulungan ang ating mga Kabisyo sa Naga!
<iframe style="border: none; overflow: hidden;" src="https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3Dpfbid0fERPka69Y6prAbFP45Ji6VR1rqssJZz6N4YjwfT4VYpJd3Nx3sbSZ6jMEMs76268l%26id%3D100067324916366&amp;show_text=true&amp;width=500" width="500" height="250" frameborder="0" scrolling="no" allowfullscreen="allowfullscreen"></iframe>
Ang water filtration bucket ay may kakayahang mag-filter ng hanggang isang milyong litro ng kontaminadong tubig at maaari ring tumagal ng hanggang limang taon. Kaya nitong mag-filter ng tubig sa tulong lamang ng gravity at hindi na kakailanganin pa ng kuryente! Sobrang epektibo nga raw nito sa pag-filter ng mga freshwater source gaya ng tubig-ulan, ngunit hindi ito angkop para sa saltwater o chemically treated water. Gayunpaman, siguradong malaking tulong ang maibibigay nito sa mga Kabisyo nating nasalanta ng bagyo sa Naga lalo pa't kaya nitong i-filter ang mga contaminant tulad ng dumi, bacteria, at protozoa na maaaring maging sanhi ng sakit sa ating mga Kabisyo.
Dagdag pa ni Suiee Suarez, &ldquo;Other solution is kung mayroon kang mas malaking lalagyan ng tubig, ang kit na ito ay may kasamang drill bit so kung mayroon kayong mas malaking lalagyan ng tubig, butasan niyo siya, ikabit lang ang nozzle at pwede na siyang mag-release ng malinis na tubig.&rdquo; Kung ang filter naman ay barado o ginamit na nang matagal, kailangan mo lang linisin at banlawan ang mga particle gamit ang kasama nitong syringe.
Malaking tulong talaga ang water filtration bucket na ito sa mga barangay health care center at mga paaralan sa oras ng pangangailangan. Sabi nga, 'di ba? Prevention is better than cure at ang pagbibigay ng access sa malinis na tubig ay isang paraan para makaiwas sa sakit na dulot ng maruming tubig.
Kinuwento rin ni Suiee Suarez sa kanyang interview sa DZRH na ang kanilang inisyatibong magpamigay ng water filtration bucket ay nagsimula noong kasagsagan ng Typhoon Odette.
Iba talaga ang nagagawa ng pagtutulungan lalo na sa oras ng pangangailangan! 'Yan ang patuloy na ginagawa ng MBC Operation Tulong at Aboitiz Power sa loob ng matagal nang panahon para makatulong sa mga Pilipino, lalo na sa pagbuo ng disaster resilience sa buong bansa.
Kaya sa mga Kabisyo namin diyan, kapit lang tayo at sama-sama nating malalagpasan ang mga pagsubok na ganito!