Dear DJ Raqi,
Lagi po akong nanonood ng programa niyong Secret Files sa YouTube. Itago niyo na lang po ako sa pangalang Izzy, 35 years old po ako, at babae rin po ako. Mayroon po akong naging girlfriend for almost three years and sa relasyon namin na &rsquo;yon, parang ang mas naaalala ko lang ay sakit, lungkot, at galit. Umpisa pa lang po kasi ng relasyon namin, mas madalas &rsquo;yung nasasaktan ako kasi parang na-e-enjoy ng partner ko that time na i-test nang i-test &rsquo;yung nararamdaman ko. On and off ang relasyon namin.
Pakiramdam ko nga, ako na lang ang nag-ho-hold on kasi madalas niya akong hiwalayan kahit wala naman akong ginagawang mali. Kaya lang, kahit gaano na ako kapagod o nasasaktan, hindi ko pa rin kayang bumitaw that time. Ang tanga-tanga ko na nga, eh, lahat ng adjustments ginawa ko para &rsquo;wag niya akong bitawan. Lahat na ng red flags, nakita ko na, pero hindi ko pinansin until I found out na may iba pa pala siyang karelasyon maliban sa&rsquo;kin. S&rsquo;yempre, mahal na mahal ko siya no&rsquo;ng time na &rsquo;yon kaya pinatawad ko siya at inayos pa namin ang relasyon namin. Kaya lang, umayos lang sandali ang relasyon namin tapos sooner, madalas na lang niya akong awayin. Lahat ng tao at kahit mga kaibigan ko, pinagseselosan niya kahit hindi ko na nga nakikita ang mga kaibigan ko nang halos taon na. Ako naman, hindi ko namamalayang napupuno na pala ako ng galit sa kanya. Kaya ko na siyang tiisin. Kaya ko na rin siyang sagutin dahil umabot na kami pareho sa puntong wala na kaming respeto sa isa&rsquo;t isa.
Dumating na ako sa point na nakipaghiwalay na ako kasi hindi na talaga kami maayos and that time, pakiramdam ko, nadala na akong magmahal. Parang ayaw ko nang magpapasok ng tao sa buhay ko. No&rsquo;ng una, nakikipagbalikan pa siya kasi hindi siya makapaniwala na kaya ko na siyang hiwalayan, pero totoong nawala talaga &rsquo;yong pakiramdam ko na pagmamahal sa kanya. I totally cut her off sa buhay ko, naka-block na siya sa Facebook, at lahat ng social media ko na puwede niya akong ma-contact. Then, lumipas ang maraming buwan na okay naman ako. Hindi rin ako naghahanap ng makakarelasyon kasi ayaw ko na rin talagang makaranas ng sakit. Katwiran ko nga, sa umpisa lang naman masaya ang pag-ibig at may karelasyon. &rsquo;Pag nagtagal na naman, pasakit na &rsquo;yan.&nbsp;
Sundan ang kuwento ni Izzy rito sa <a href="https://www.facebook.com/RaqiTerra" target="_blank" rel="noopener">Raqi</a>&rsquo;s Secret Files.