&ldquo;Nakita ang nanay ko sa isang masukal na damuhan, pero duguan ang mga kamay at may hawak na patalim.&rdquo; Bago po ang lahat ay binabati ko kayo at ang bumubuo ng inyong &nbsp;programa ng napakagandang araw o gabi man. Dito ko lang po ibabahagi ang aking Secret File. DJ Raqi, itago niyo na lang po ako sa pangalang Lalaine. Anim po kaming magkakapatid at isa po akong dating OFW sa Kuwait.
Five years old pa lang ako, namulat na ako sa kahirapan ng buhay at isa na po ang pamilya ko roon. Sa murang edad na &rsquo;yun ay nakikita ko na ang sacrifice ng aking mga magulang. Ang aking ama ay isang farmer at si Mama naman po ay isang kumadrona. Kaunting-kaunti lang po ang sinasahod ni Mama sa center. Masasabi nating tamang-tama lang na pambili ng bigas para makaraos sa araw-araw at kung wala naman po siyang trabaho ay tinutulungan naman po niya si Papa sa farm.
Sa awa ng Diyos ay medyo lumago naman &rsquo;yung farm at nakapagpundar ng mga baka sina Mama at Papa. Natulungan din po nila ang iba naming kamag-anak na makapag-aral kahit sa high school lang po. Sobrang saya namin dahil kahit paano, eh, nakakaraos na rin at hindi po maipaliwanag ang kasiyahan na nasa mukha naming magkakapatid.
Tumagal din po ng ilang taon ang kasiyahan na &rsquo;yon at sa hindi inaasahang pangyayari, habang ako&rsquo;y nasa grade six ay biglang nagbago ang aming landas. Tila ba tinauban kami ng lupa at langit. Si Mama po na isang magaling sa center at nirerespeto po ng mga katrabaho niya dahil sa galing niyang magpaanak at bukod doon, sobrang bait na kumadrona at isang masipag na asawa ay unti-unting umaasta nang hindi naaayon sa matinong tao. Sundan ang kuwento ni Lalaine dito sa <a href="https://www.youtube.com/watch?v=k9ZKaxyCjqE" target="_blank" rel="noopener">Raqi</a>&rsquo;s Secret Files.