May kasalang magaganap kasama si Nicole Hyala at Chris Tsuper sa September 28!
Biruin mo &lsquo;yun, 20 years nang balasubas ang Tambalan! HAHAHA! At dahil nga dalawang dekada na silang nagpapaligaya at nagpapakilig sa radyo, magpapakasal na sila!
Hindi sila ang ikakasal, ah! Magpapakasal sila ng dalawampung lucky couples sa Saint John of the Cross Parish, Barangay Pembo, Taguig City ngayong September 28, 2024! Ito ay isang kaganapan na malapit sa puso ng Tambalan dahil ginawa nila itong kasalang bayan na ito para sa kanilang mga Tambalanista!
Walang sawang sumuporta kayong mga tagapakinig ng Love Radio at Tambalan mula 2004 hanggang ngayon kaya oras naman para ibalik ang inyong pagmamahal!
Dahil usapang kasalan na rin naman tayo, tinanong na rin natin ang bride-to-be na si Raqi Terra kung ilang taon na ba dapat kayong magjowa bago ikasal?
Raqi Terra: Wala sa taon, basta sure ka na. Sure ka nang may pampakasal ka, puwede na! Hahaha! Kasi mahal ang magpakasal.&nbsp;
Napakapraktikal naman pala ng ating Basa Princess! Kayo, mga Kabisyo, ilang taon na ba dapat kayong magjowa bago magsabihan ng "I do?" Kailangan pa bang i-memorize 'yan? BASIC!