Mukhang nagkakainitan ang mga tsuper natin sa daan!
Dalawang jeepney sa Caloocan ang nagbanggaan matapos maggitgitan sa daan. Ang insidenteng ito ay nakuhanan ng video at umabot na sa halos 8 million views. Ang banggaan ay naganap sa Barugo Street, Camarin, bandang alas-diyes ng gabi.
Makikita sa video na may sakay na mga pasahero ang mga jeepney kaya nagmadaling bumaba ang mga ito habang nangyayari ang gitgitan. Nagsimula ito nang masagi ng isa ang ilaw ng kabilang jeepney at pinalala pa nang sinadya itong banggain ng kabilang driver. Hinimok ng pulisya ang mga pasahero na magsampa ng reklamo laban sa mga driver dahil sa panganib na dulot ng mga drayber.
Ang Land Transportation Office (LTO) at Land Transportation Franchising and Regulatory Board (LTFRB) ay agad na nagpadala ng show-cause order sa mga driver at kanilang mga operator upang ipaliwanag ang insidente.
'Yung gusto mo lang naman umuwi na o makita ang jowa mo, naipit ka pa sa away ng dalawang drayber! Kashokot! May ganitong kuwento rin kaya ang mga paborito niyong Kabisyo? Kaya nama'y tinanong natin sila kung ano ang pinakanakakalurkei na nangyari sa kanila sa jeepney o sa pag-commute!
Angkol Dagol: Noong sumakay ako ng jeep, nakasabay ko ang ex ko (ka-loyal po ako) at nilibre niya ako ng pamasahe. &nbsp;&nbsp;
Tanya Chinita: DJ na ako noon at nag-co-commute pa lang ako. Naka-jeep lang ako as a mahirap na ferzon. Muntik ako mahablutan ng cellphone sa may Baclaran. Nag-ce-cellphone kasi ako kaya muntik nang mahablot, ngunit mas malupit ang kamay ko kaysa sa nanghablot.
Conyo Bicolano: Natatandaan ko noong baguhan pa ako rito sa Maynila at sumakay ako ng jeep. Hiyang-hiya talaga ako sumigaw ng &ldquo;Para!" Ang ending, lumagpas na ako sa bahay namin at bumaba sa maling lugar. May lutang moments din ako noon. 'Yung tipong nagdadasal ako sa buong byahe kasi nga first time ko sa Kamaynilaan. Sa kadadasal ko, imbes na "Para!" ang nasabi ko, sumigaw ako ng &ldquo;Lord, sa tabi lang po!"
Robin Sienna: First time kong makakita ng et-et noon at sa jeep pa! Grade 3 ako noon, nagtataka ako sa kuya na nasa harap ko. Talbog siya nang talbog kahit wala namang humps. Ayon pala, noong tinignan kong mabuti, may nilalaro siya sa hita niya. Akala ko no'ng una, key chain. Et-et niya pala!
Nicole Hyala: Literal na hinabol ko ang ex kong nakasakay sa jeep.
Mara Tonee: 'Yung pag sumasakay ako sa rider, amoy luom 'yung helmet! Sadyang nakakainit ng ulo, ah! 'Yung ang mahal-mahal ng shampoo ko, may argan oil pa tapos mag-aamoy kulob lang pala? Awit!
Diego Bandido: Una, 'yung nagkamali ako ng sakay ng jeep at wala na akong pera kaya naglakad na lang ako pauwi. Pangalawa, 'yung wala na talaga akong pamasahe, sumabit lang ako. Pagbaba ko, kunwari may kinausap ako na pasahero na nasa loob. Sabi ko, "Bro, Salamat, ah!"
Raqi Terra: Oo naman! 'Yung sabi ay "Kasya pa!" Pero pagpasok ko, parang 'di naman. Sabi "Usog-usog!" So, may umusog naman tapos sinalpak ko 'yung sarili ko. Una, pwet tapos ayun. Nakaupo nga ako, pero 1/8 lang ng pwet ko 'yung nakapatong sa upuan. Pagbaba ko ng jeep, ang sakit ng buong balakang ko hanggang legs. Imagine, para pala akong naka-squat buong biyahe!
Ang dami talaga nating unforgettable moments sa biyahe! Malaking parte ang transportasyon sa mga buhay natin, Kabisyo! Kaya sana'y parehong drayber at komyuter ang nag-iingat sa daan para happy lang ang lahat at iwas sa stress! Divuh?! Kailangan pa bang i-memorize 'yan? BASIC!