Ang pagiging construction worker ay hindi biro&mdash;bukod sa mabigat ang trabaho, mahaba rin ang oras na bubunuin dito. Alas kwatro pa lang ng umaga, nagsisimula nang kumayod si Gilbert Batoon noon. Bilang student-construction worker, hindi na bago sa kanya ang pagpupursige. Naranasan din niyang tumigil sa pag-aaral dahil sa kakulangan ng pera, pero hindi siya tumigil mangarap.
Sa bawat bahay na natulungan niyang ipatayo, naaalala niyang siya rin mismo ay nangungupahan. Dito nagmula ang pangarap niyang magkaroon ng sariling bahay at lupa.
Noong siya ay nakapag-graduate at nakapagtrabaho bilang guro, nag-ipon siya ng sapat na pera. Nag-avail siya ng Salary Loan sa kanyang bangko at agad-agad din siyang na-approve dahil kumpleto ang kanyang mga requirements. Ngayon, meron na siyang sariling bahay at lupa.
Nagtiwala siya sa <a href="https://www.facebook.com/BDONetworkBankPH" target="_blank" rel="noopener">BDO Network Bank</a> dahil na rin sa mga kwentong ibinahagi ng kanyang mga co-teachers na natulungan nito. Sa abot-kayang monthly payments at personalized service na ibinigay ng bangko sa kanya, ngayon ay naabot rin niya ang kanyang pangarap.