Isang viral na TikTok prank ang gumamit ng mukha ni Eric Yunkaporta, isang Aboriginal man. Itong prank na ito ay kilala bilang "FaceTime" prank kung saan ginagamit ng mga tao ang video ni Eric para magpanggap na tinatawagan nila ang kanilang mga kaibigan o pamilya.
Hindi raw inaasahan ng pamilya ni Eric na magkakaroon ng ganitong pangyayari gamit ang mukha ng kapamilya. Hindi nagustuhan at hindi natuwa ang pamilya ni Eric sa prank na ito. Kawalan daw ito ng respeto sa First Nation's people katulad na lamang ni Eric.
Ipinaliwanag naman daw ng mga pinsan ni Eric sa kanya ang sitwasyon na ito at pinapatanggal ni Eric ang videos na kumakalat na may mukha niya dahil ayaw niya raw masama sa prank na ito.&nbsp;
May iilang TikTok creators na ang humingi ng tawad kay Eric at sa kanyang pamilya. Ayon sa pamilya, huli na raw ang paghingi ng kapatawaran dahil matinding kalungkutan ang naidulot nito sa kanila. Sana lang daw ay huwag na nila gawin ang prank na ito sa ibang tao.
Mag-ingat sa mga ginagawa mapa-online o offline, mga Kabisyo! Parati nating tatandaan na mas maging sensitibo sa mga prank na gusto nating gawin.